ການສົ່ງອອກສິນຄ້າຂອງສິງກະໂປ ເພີ່ມຂຶ້ນສູງເກີນຄາດໝາຍ
ສຳນັກຂ່າວຣອຍເຕີລາຍງານໃຫ້ຮູ້ ວັນທີ 16 ກຸມພາ 2024 ນີ້ວ່າ: ການສົ່ງອອກສິນຄ້າ ທີ່ບໍ່ລວມ ນ້ຳມັນ ຂອງສິງກະໂປ ໄດ້ຂະ
ຫຍາຍຕົວເພີ່ມຂຶ້ນ 16,8% ໃນເດືອນມັງກອນ ທີ່ຜ່ານມາ ເມື່ອທຽບໃສ່ໄລຍະດຽວກັນກັບປີກາຍ ຍ້ອນໄດ້ຮັບແຮງສະໜັບສະໜູນ
ຈາກການຂະຫຍາຍຕົວທາງດ້ານຜະລິດຕະພັນເອເລັກໂຕຣນິກ ແລະ ສິນຄ້າທີ່ບໍ່ຢູ່ໃນກຸ່ມ ເອເລັກໂຕຣນິກ. ເມື່ອທຽບໃສ່ ລາຍເດືອນ,
ການຂະຫຍາຍຕົວດ້ານການສົ່ງອອກສິນຄ້າ ແມ່ນເພີ່ມຂຶ້ນ 5,4%, ເຊິ່ງກົງກັນຂ້າມກັບການຫົດຕົວເຂົ້າ 1,5% ໃນເດືອນທັນວາ ປີ
ຜ່ານມານີ້. ການສົ່ງອອກສິນຄ້າທົ່ວໄປ ທີ່ຜະລິດພາຍໃນປະເທດ ຍົກເວັ້ນນ້ຳມັນ (Nodx) ໃນເດືອນ ມັງກອນ ແມ່ນມີມູນຄ່າ 13,3
ຕື້ໂດລາສິງກະໂປ ເມື່ອທຽບໃສ່ ເດືອນທັນວາ ປີກາຍນີ້ 15,5 ຕື້ໂດລາສິງກະໂປ.
ແຫຼ່ງທີ່ມາ: ໜັງສືພິມກອງທັບ
ວັນທີ 20/02/2024